الصفحات

الجمعة، 2 أبريل 2010

رباعيات صلاح چاهين

خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب

الأصل هو الموت و الا الحياه ؟

عجبي !!!

ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!

ياما صادفت صحاب و ما صاحبتهمش
و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!

و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول
أحب أعيش ولو في الغابات

أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات

عجبي !!

سهير ليالي و ياما لفيت و طفت

و ف ليله راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!

كان فيه زمان سحليه طول فرسخين

كهفين عيونها و خشمها بربخين

ماتت لكين الرعب لم عمره مات

مع إنه فات بدل التاريخ تاريخين

عجبي !!



هناك 10 تعليقات:

  1. أصحي كما ولدتني أمي و ابات
    طائر .. حوان.. حشرة .. بشر ..بس أعيش
    محلا الحياة.. حتي في هيئة نبات

    تساؤلات المبدع صلاح جاهين الله يرحمه
    ملهاش اجابة الا باليقين الايمانى

    تحياتى

    ردحذف
  2. الله يا فضفضة اخترتي شخصية مبدعة بجد في صورها و في كلامها و في كل حاجة عملتها في حياتها

    واحشاني واحشاني واحشاني يا قلبي و الله
    و معلش اني غيبت عنك الفترة اللي فاتت دي بس علشان انا كان عندي شوية ظروف كده و انشغالات ما خليتنيش قعدت على النت خالص

    بس اكيد هكون موجودة ان شاء الله تاني

    ربنا ما يرحمنيش منك يا اختي الغالية

    خالص حبي و حبي و تقديري

    ردحذف
  3. sal عندك حق
    انا معجبه بيه جدا لذلك
    الله يرحمه
    نورتنى

    ردحذف
  4. الله يرحمه كان لسانه فالت بس كان عسل

    ردحذف
  5. مها حمدلله على االسلامه
    انتى فعلا كنتى مختفيه الحمدلله لله انك عودتى تانى
    وربنا يسهل امورك وظروفك
    منورانى ياجميل وحشتينى اوووووى

    ردحذف
  6. ابن الخطاب
    فعلا كلامك صح ودى ميزه برضوا
    انه مش بيجمل الكلام ولسانه فالت شويه
    تحياتى نورتنى

    ردحذف
  7. الرومانسية كلمة لايصف بها احد الا وهوفيها

    سيدتي

    هذا من بعض ما عندكم

    شكرا لك

    ردحذف
  8. فضفضة .. إزيك وإزى صحتك لعلك بخير كلمات صلاح جاههين
    (نسأل الله له الرحمة) جميلة وبسيطة وشعبية جدا وحلوة تخش القلب علطول عندى قصيدةجديدة :
    "قدساه لاتنتظرينى"
    عايزك تشوفيها وتعلقى عليها وشكرا لك

    ردحذف
  9. ابن النيل
    انا الحمدلله بخير
    وهزورك وهعلق على القصيده

    ردحذف
  10. احمد الصعيدى
    اشكرك على حسن المتابعه
    تحياتى

    ردحذف

عبر برحتك