حدث خطأ في هذه الأداة

الصفحات

الاثنين، 5 أبريل، 2010

وخرجت انهارده أغير هواء و ليس احتفالا  بعيد لان بعض الناس بتضايق من الخروج فى اليوم ده  او من الاستمتاع بيه  والله ربنا عالم بالنيه وبصراحه  يعنى اجازة وبنتهزها  لان باقى الايام خروج للعمل ومشاغل    انما تغيير جو وتحسين من النفسيه  
هو المفروض تكون الخروجه دى  اى وقت فى السنه ولكن   اليوم ده بيكون جميل من درجة حراره ورائحة زهور  رائعه  ونسمة الياسمين التى تفوح من بين الاشجار 
وياسلام على الراحه النفسيه  ال حستها من مجرد النظر الى السماء والاشجار  فعلا نسيت اى حاجه بفكر فيها ونسيت المشاغل والهموم
وطبعا مقابلة بعض الاقارب فى ذلك المكان الريفى الذى نزوره كل فترة  وكانت مقابلة جميلة واحلا مافيها الاطفال وهما بيلعبوا ببراءة
فكرونى بنفسى لما كنت فى سنهم وكنت بروح  نفس المكان ونفس اللعب بلعبه   ونفس الشجره ال كنت بلعب تحتها مع اخواتى واقاربى
ياااااااااااااه ذكريات  وياه  كبرت اووووى   يعنى من كام سنه كنت بلعب هناك وبنبسط وبجرى والان ابنى وابناءأ قاربى هم اللذين يجرون ويلعبون   وهكذا  الايام   والذكريات  صفحات تطوى صفحات
بس فعلا ضرورى الانسان يفك عن نفسه شويه ويخرج يغير جوا  ويكون مكان مختلف غير الاماكن المعتاده ويكون مكان مفتوح  يتأمل فيه ماابدعه الله وينسى اى هم او مشكله  علشان يقدر يواصل حياته   يعنى مش تبقا كل الايام زى بعضها ضرورى التغيير
ياريت تكونوا خرجتوا انتو كمان وغيرتوا جو    حته لو مع الجو بتاعكم ههههه
كل ربيع وانتم طيبون


هناك 6 تعليقات:

  1. لا أنا معرفتش أخرج الجو مارضاش يجى معايا
    ههههههههههههههههههههههه
    هو أصلا مافيش جو بقاله سنتين ومن غير مش عارف أمارس حياتى الطبيعية حتى أصحابى بيشتكولى كتيير من غيابى عنهم كل فتره فجأة كده وأنا أقولهم ربنا يكون فى عونى

    ردحذف
  2. ابن الخطاب
    مخرجتش علشان مفيش جو
    كبر دماغك من مواضيع الجو ده وعيش حياتك واستمتع بيها ولما ربنا يأذن هتلاقى الجو بيخرج معاك وبيتفسح
    ومتعزلش نفسك عن صحابك الوحده وحشه
    حاول تعيش حياتك وتملاها حب حتى لو مفيش جو
    تحياتى

    ردحذف
  3. كل ربيع وانت بالف خير وسعادة

    اعجبنى تعليقك السابق
    تحياتى

    ردحذف
  4. sal
    وانت كمان كل ربيع وانت طيب وبخير وسعادة
    اشكرك لمتابعتك لى
    تحياتى

    ردحذف
  5. اول مرة ادخل المدونة
    احساس بانى جوه بيتى
    وتعبير جميل
    ارجو ان تستمرى

    ردحذف
  6. استاذ محمد
    مضيف فى الطيران
    نورتنى فى مدونتى ,احساسك انك جوه بيتك يمكن لبساطتها اشكرك على كلماتك
    تحياتى

    ردحذف

عبر برحتك