حدث خطأ في هذه الأداة

الصفحات

الجمعة، 30 أبريل، 2010

توضيح

للناس ال اعجبت بلوحتى البسيطه هشرح كيف صنعتها


لان معظم الناس ال شفوها اعتقدو انها مرسومه بالالوان ولكن هى عمل فنى يندرج تحت (الاشغال الفنيه الخشبيه) من خامات خشبيه متنوعه

اولا: طبعا التصميم فن شعبى

ثانيا : الخامه 3 انواع من الخشب (أ) خشب ام دى اف

(mdf)

(ب) خشب ابلاكاش وهو الارضيه

(ج) خشب قشره ملونه وقشره طبيعيه

ثالثا : وضعت التصميم على الخشب (ام دى اف) وقمت بتقطيع الاحرف بمنشار اركت لتحديد الاشخاص والرسمة ككل

رابعا: تم تقطيع القشره الملونه بقطر حسب التصميم ولزقها بمادة قوية على الخشب حسب اختيارى للالوان المناسبه لملابس الاشخاص والتدقيق فى التنوع واختيار ( فلتو) خاص بالثعبان حتى يظهر شكله مثل جلد الثعبان الحقيقى

خامسا : بعد الانتهاء من مرحلة لزق القشره على الخشب وعلى الارضيه ايضا تم لزق التصميم ( الاشخاص) على الارضيه (الابلاكاش)

سادسا : بفرشاه نلمع اللوحة بورنيش شفاف كذا مرة وكذا طبقه حتى يعطى اللون الامع هذا

اتمنى مكنش طولت عليكم وتعجبكم





مع خالص تحياتى

هناك 24 تعليقًا:

  1. والله لوحة جميلة جدا ما شاء الله عليكي

    تحياتي

    ردحذف
  2. الاخ هيثم
    اشكرك على كلماتك واعجابك بلوحتى
    ونورتنى
    تحياتى لك

    ردحذف
  3. ما شاء الله عليك

    ما انت هايلة اهوه
    خللى عندك امل ...بكره حيبقى احسن
    اتمنى لك التوفيق يا فنانة

    تحياتى

    ردحذف
  4. السلام عليكم ورحمه الله وبركاته

    جميله برضو وتسلم ايدك

    طلب ياريت تشيلي حروف التاكيد الي عملاها مع التعليق

    ردحذف
  5. جميلة جدا تسلم ايديكى وشكرا على الشرح الجميل ده مع أنى مش هاعرف أعملها برضو بس الشرح واضح
    تحياتى

    ردحذف
  6. السلام عليكم ورحمه الله وبركاته
    اول زياره ليا فى المدونه بس بجد جميله قوى
    وكمان الفكره جميله قوى وكمان طلعه فى النهائى روعه اللى الامام دائما
    ياريت تقبلى مرورى
    تحياتى

    ردحذف
  7. sal
    عايزه اضحك حاسه انك اتهريت تعليقات تشاؤم منى

    انا عارفه انك اخدت فكره عنى بالتشاؤم رغم انى استاذه فى نصايح الاخرين وبدى للناس امل كبيرررر
    بس لحد عندى والامل بيطيررر
    على العموم ربنا يكرم
    متشكره جدا لمتابعتك ولزوقك
    لك خالص تحياتى

    ردحذف
  8. القمر الباكى
    معلش قصدك اى حروف تاكيد؟
    خالص تحياتى

    ردحذف
  9. ابن الخطاب
    متشكره جدا لزوقك
    والحمدلله ان الشرح واضح بس انت اعقد العزم وانوى تعمل عمل فنى وهطلع لوحه اجمل من دى
    سعدت بوجودك

    ردحذف
  10. حياة بلا عنوان
    اهلا بيكى شرفنى واسعدنى وجودك طبعا متقبله مرورك ويارب تكررى زيارتك لى
    متشكره على كلماتك الرقيقه على لوحتى وتشجيعك لى
    دومتى بخير دائما

    ردحذف
  11. فنانة بجد تسلم ايديكى


    ربنا يوفقك يارب

    ردحذف
  12. يد فنان

    زادك الله موهبة

    السلام عليكم

    ردحذف
  13. ms venus
    متشكره جدااا ربنا يكرمك
    اسعدتنى زيارتك واهتمامك

    ردحذف
  14. احمد الصعيدى
    متشكره جدااااااا والله تشجيعكم لى فرحنى جدااا وخلانى اهتم اكتر بموهبتى البسيطه اتمنى اصنع لوحات اكتر وتنال اعجابكم
    سعدت بوجدك
    وعليكم السلام ورحمة الله وبركاته

    ردحذف
  15. هايله بجد
    تعرفى انا بموت فى الحاجات دى اوى
    وبعمل حاجات فنيه شبيه بدى

    تسلم ايدك
    وكمان يسلم زوقك

    تحياتى الغاليه

    ردحذف
  16. داليا
    نورتينى جدااااواسعدنى تعليقك واعجابك بلوحتى وبرافو انك عندك الموهبه دى وبتعملى اعمال شبيه لاعمالى استمرى للامام
    اتمنى تكرار الزياره يازوق انتى ياعسوله

    ردحذف
  17. ارجع و اقولك ماشاء الله بجد

    جميلة اوي اوي اوي
    بس انا ماليش خلق اعمل الحاجات دي بجد

    لكن بجد احب احتفظ بيها اوي
    بجد تحفة يا عسل
    و اتمنى تنجع في المعرض السنوي اللي هي فيه

    ربنا يوفقك يا رب
    و سعيدة اوي بتعليقاتك اللي عندي كلها يا قلبي

    خالص حبي و تقديري

    ردحذف
  18. فضافيضووووووو

    ازيك الاول

    ثانيا انتى فنانة بجد
    اعز انا الحاجات دى قوى
    و ميرسى انك شرحتيلى انا غاوية الأعمال دى و بحب قوى اعرف التكنيك بتاعها ..عملت ليوسف حاجات مشابهة بس مش بالبراعة و الإتقان دا

    يا ريت لو فيه حاجات مشابهة لكدا متبخليش علينا بتفاصيلها و انك تفرجينا

    تسلم ايدك بجد
    و معلش مقصرة معاكى شوية اتنين تلاتة

    سلااااااااام يا فنانة

    ردحذف
  19. ازيك فضفضة اخبارك اية

    اعمال جميلة تسلمى عليها

    ربنا يوفقك ويكرمك

    مع خالص تحياتى

    ردحذف
  20. فضفضة ....
    قلت لك من قبل خسارة إن اللوحات دى ماتتعرضش والله بمعرض بإسمك إنتى فعلا فنانة موهوبة وخسارة يضيع ده بمدونات بس ,مافيش مانع تعرضيها علينا وكمان معرض رسم بإسمك .
    دومتى لنا بفنك وعقلك

    ردحذف
  21. صديقتى مهمومه
    ربنا يخليكى على كلماتك الرقيقه متشكره جدا
    واللوحه الناس اعجبوا بيها فى المعرض وخاصة الموجهين ولكن للاسف المعارض بتتعمل واللوحات بتنجح شفويا ويتم الاعجاب بيها ولكن نسمع ان حد نجح او اخذ شهادة تقدير حته لا يحصل ولا يتم اكننا بنشتغل بلا هدف وعندما تنجح لوحه يتم تصعيدها لمعرض اكبر وتختفى بعد ذلك ونسال راحت فين ؟ مفيش اجابه وحصل معى الموقف ده قبل ذلك اتصعدت لى لوحات لمعارض اكبر ولم أراها مرة اخره, او تظهر ثانية
    هى دى مصر
    بس تعرفى انا بنبسط ان لوحتى نالت اعجاب اصحابى ومجموعة الموجهين المتخصصين فى شغلى وهو ده ال بيهمنى الحمدلله
    نورتينى ياغاليه ياعسل انتى

    ردحذف
  22. فاطيمااااااااااا فطاطيمووووو
    وحشتينى والله
    ربنا يخليكى ويخلى يوسف ويارب تفرحى بيه وتشوفيه عريس وراجل اد الدنيا
    وانتى تامرى حاضر اى جديد هعمله هعرضه عليكم ويارب افيدك واترك اثر جميل عندك باعمالى البسيطه
    نورتينى ياجميل

    ردحذف
  23. تامر نبيل
    حمدالله على السلامه
    متشكره جدا ربنا يخليك
    نورة المدونه

    ردحذف
  24. فاروق ابن النيل
    انت بترفع من معنوياتى اوى متشكره جداااااا
    بس انا على ادى مش للدرجه انى اعمل معرض , بس لوحاتى تنال اعجابكم واعجاب اصدقائى
    ربنا يكرمك
    نورتنى وشرفتنى بوجودك مدونتى

    ردحذف

عبر برحتك