وحشتينى اوى نفسى اشوفك ولو لحظه نفسى احس انفاسك ثوانى
نفسى احضنك والمسك وفى حضنك ابكى واشتكى واحكى مامر بى بعد فراقك
بيقولو انك حسانى وشيفانى
مرت سنين على فراقك
نصيب وقدر واستحاله نمنعه
اوقات اتمنى رؤياكى حته فى احلامى
اوقات اتمنى تنتهى الحياه
علشان بس اجرى عليكى واحضنك
بقولها اوى وحشتينى ياامى
ياترى حسانى
لو ترجع تانى الايام
لكنت بوست تراب رجليكى
لكنت شيلتك من على الارض شيل
لكنت قولت لكل العالم هى دى امى
نعمه واتحرمت منها
يمكن عشت حياتى
يمكن قابلت بشر
لكن زيك ماشفت قمر
اه لو يرجع تانى الزمن
اشتقت لكى اوى اوى
فراقك صعب اوى اوى
مفتقداكى اوى اوى
وحشتينى يااغلا الناس
وحشتينى ياامى
حبيبتي فضفضة يا قلبي
ردحذفبجد خليتيني ابكي يا قلبي من كلامك المؤثر اوي ده
و مش عارفة ارد عليكي او اعلق اقولك ايه ؟؟
بس مفيش في ايدينا يا قلبي نقول غير ربنا يرحمها يا رب
و نحتسبها عند الله في جنات الخلد و النعيم يا رب
و تدعي ربنا انك تقابليها ان شاء الله في الجنة
خلي بالك من نفسك و كوني شجاعة و عيشي حياتك صح
لان ده صدقيني اللي يسعد مامتك و يخليها فخورة ببنتها الحبوبة
بجد حبيتك اوي يا فضفضة يا قلبي
و اتمنى نتعرف و نكون اصحاب
و اكيد شرف ليا و الله
خلي بالك من نفسك يا قلبي
خالص حبي و حبي و تقديري
صديقتى مهمومه
ردحذفاشكرك على مواساتك لى فى وقت ضيقى
انا بخير وماشيه فى الطريق الصح الحمدلله ولا تقلقى انا طلعت شحنه بسيطه من ال حساه نتيجه لفقدانى اعز حبيبه , الله يرحمها وكلنا راحلون
وانا برضوا يشرفنى اكون صديقتك واقرب منك اكتر ان شاء الله الخير والحب يجمعنا يااعز صديقه
السلام عليكم
ردحذفربنا يرحمها ويرحم جميع اموات المسلمين
اثرتي فيا وكلامك تعبني لان انا قريبه من ماما اوي
وحسيت بشعورك ربنا يصبرك ادعيلها واقرأي لها ا لفاتحه لان بجد قرأت الفاتحه ليها ولكل المسلمين
دومتي بخير
القمر الباكى
ردحذفاشكرك يا صديقتى على احساسك بى ودعواتك لجميع المسلمين بالرحمه اللهم امين , وربنا يخليلك والدتك الحبيبه ويحميها لكى وانتى حطيها جوا عنيكى وارضيها بقدر المستطاع واسعديها وخديها بحضنك دايما ربنا يسعدك ويفرحك بيها يارب دايما
مره تانيه متشكره جداصديقتى داليا
ربنا يصبر قلبك
ردحذفالغاليين غيابهم بيزيد ثقله على الروح بمرور الوقت
و الواحد بيظن ان العكس هيحصل
لكن يكتشف ان اخف الأشياء بتخلص
زى العياط
و التكشير
و لبس الأسود
و يروح كله
و يفضل وجع الأفتقاد
و ملاصقة الأحباب لكل تفاصيل الحياة
و الحزن الذى يكبر و شكلاً يبدو انه بيتلاشى
ربنا معاكى
و يعوضك عن حبها المفتقد
بحنان مماثل ف اخلاصه
و نقائه
تحياتى الخالصة ليكى
عزيزتى فاتيما
ردحذفاشكرك على كلامك ودعائك لى
فعلا الحاجات البسيطه بتروح وتنتهى زى التكشير واللبس الاسود ولكن يبقا الالم والافتقاد للحبيب احساس صعب جداااااا قاتل فى بعض الاوقات خاصة وقت احتياج الحبيب المفتقد ولكن اللهم لا اعتراض وربنا يصبر كل انسان مفتقد اعز حبيب له وخاصة الام
ربنا يرحم امك ويرحم امواتنا جميعا
ردحذفعارفة انه ما ينفعش اقولك اعتبرينى امك ولو انى بعنيها بس مفيش ايا كان يقدر يعوض الام خصوصا
قلبى معاكى ودعواتى لامك بالرحمة وليكى براحة البال
dreem
ردحذفاشكرك جدا لكلماتك واحساسك المرهف انا عارفه انك حاسه بى لان جواكى ام ومشاعر واحاسيس طيبه
نورتينى
فضفضة....
ردحذفالله يرحمهاويجعل مثواها جنات عدن تجرى من تحتها الأنهار
ويفرش قبرها من الديباج والسندس والإستبرق
ويسقيها من حوض نبينا محمد صلى الله عليه وسلم وبيده الشريفة شربة لاتظمأ بعدها أبدا
ويفتح لها فى قبرها بابا من الفردوس الأعلى
يارب ... قولى معى ياشيماء آمين
استاذ فاروق
ردحذفاشكرك على دعواتك الطيبه لامى
ولكن عفوا اسمى مش شيماء
نورتنى واسعدنى وجودك
اشكرك جدا لكلماتك
ردحذف