الصفحات

الجمعة، 5 مارس 2010

مخنوقه اوى

انا عارفه ان معظم الناس مخنوقه وعندها هموم ومشاكل ومحدش مبسوط او مرتاح فى حياته

بسال سؤال امتى نرتاح ؟ محدش يقولى الراحه فى الاخره , يعنى هنفضل كده فى الدنيا بندور على لحظة سعاده او فرحه نسرقها من الزمن

بجد زهقت واتخنقت , والاوحش بقا ان مفيش حد تشتكيله همك ومفيش صديق , لان اكتشفت ان اكبر وهم هو صديق مخلص او صديقى حقيقى , كل حاجه كدب ووهم وسراب وخداع وناس بوشين وناس شر ومكاره حاجه تقرف

معلش حالتى النفسيه صفر وقولت اطلع جزء من الكتير ال جوايا

هناك 16 تعليقًا:

  1. مخنوقة ازاى
    دى صورة القمر تحفه
    والسما كمان والبحر
    بصى على جمال ربنا وانسى الهم
    انا قررت ده النهاردة الصبح ونفذته الحمد لله
    عملت كوباية شاى كبيرة وقعدت اتفرج على الشجر واسمع زقزقة العصافير
    من زمان اوى ما ركزتش معاهم

    المهم
    نورتى بلوجر يا قمر
    وان شاء الله هنرتاح ومكنتيش هتحسى بالراحة الا لما تحسى بالخنقة دى
    مش هتطول ان شاء الله

    يارب اجى المرة الجاية الاقى حاجه مختلفة وتفاؤل
    :)

    ردحذف
  2. sometimes
    اشكرك على زيارتى فى مدونتى البسيطه
    انتى اول انسانه تزور مدونتى ومبسوطه جدا بمعرفتك
    واتمنى التواصل
    بالنسبه لخنقتى فغصب عنى هموم متراكمه وعدم وجود انسان بجوارى بس الحمدلله انا حاسه انى احسن حال عن امس
    وان شاء الله نتفاءل

    ردحذف
  3. أزال المؤلف هذا التعليق.

    ردحذف
  4. فضفضة يا قمرايا
    مبروك على المدونة الجديدة و انا ملاحظة انك اول مقال تكتبيه
    ربنا يوفقك و فعلا خطوة جميلة علشان تعبري عن اللي جواكي
    اتمنى يا رب ربنا يبعد عنك كل شر و سوء يا رب
    و بتمنى من كل قلبي ان معنوياتك ما تبقاش صفر كده
    معلش لازم الناس تبقى بوشين و الناس تبقى وحشة
    علشان كده ربنا بيفرق بين الناس و يوم القيامة هتلاقي الكويس ربنا جزاه كل خير
    و صدقيني ايوة الراحة في الاخرة
    بس الراحة في الدنيا مفتاحها التمسك بديننا و ندعي ربنا باستمرار
    و ننسى الدنيا بهمومها
    اللي عايزنا و يفرح بينا اهلا و سهلا
    اللي كارهنا و مش طايقنا مع ستين الف سلامة

    بجد الحياة عايزة اللي ينسى و يحب يعيشها
    و يحب يفرح
    بجد ما تقلقيش ربنا كبير
    و ما ضاقت الا ما فرجت
    ارفعي بس معنوياتك كده يا جميل
    و الصديق بيتعوض
    و الحبيب بيتعوض
    مفيش غير الاهل الاب و الام و الاخوات هم اللي صعب يتعوضوا و مادام المصيبة مش في حد من الاهل يبقى اكيد سهلة و هتتعوض ان شاء الله
    اللهم لا تجعل مصيبتنا في ديننا و لا تجعل الدنيا اكبر همنا

    ربنا يسعدك و يهنيكي يا رب يا حبيبتي
    و قولي يا رب


    خالص حبي و تقديري
    تقبلي مروري الاول و ان شاء الله مش الاخير
    و اكيد هضيفك عندي في المدونة في القايمة المهمة لانك تستاهلي كل خير بجد

    خالص حبي و تقديري لشخصك الجميل

    ردحذف
  5. الوفيه الى الابد: انا مبسوطه جداااااا من زيارتك لى ومن كلامك الجميل ال بيبعث الراحه والاطمئنان وواضح من كلامك انك انسانه متدينه وعلى خلق
    بجد انا اتشرفت بمعرفتك وان شاء الله اكون من المتابعين لكى
    وبعتذر عن ان اول كتابه لى كانت فضفضه حزينه معلش ربنا يعدلها واكتب شىء يفرح القلب ويترك اثر جميل عندك وعند اى شخص يزور مدونتى

    ردحذف
  6. مساء الخير أختي فضفضة
    حضرتك ما بتعرفيني وتعليقي ماهو إلا بلاغ بخصوص من تدعي أنها مدونة /مها أحمد صاحبة مدونة الوفية للأبد
    حيث أكتشفت اليوم أنها قامت بسرقة مدونتي همسات قلب http://rtoosh.com/blogs/mhyarelfarah/ ونسبت مافيها من خواطر لنفسها..وهذه سرقه وعندما واجههتها وكتبت قامت بألغاء الشات بوكس اللذي حمل عنوان مدونتي وحضرت نشر التعليقات مالم توافق عليها
    وأخر بوست قامت بأدراجه تحت عنوان سر لهفتي روعة محبتي ماهو الا قصيدة قمت بأدراجها في مدونتي سابقة الذكر بتاريخ 25 نوفمبر2008 وهذا غيض من فيض ونتيجة لعدم أعترافها قررت أسفة وحفاضا على حقوقي تبليغ كل من يزور مدونتها وذلك أحقاقا للحق فقط لاغير
    أرجو ألا أكون أزعجتك
    مهيار الفرح...

    ردحذف
  7. ياصاحبة مدونة رتوش احنا عرفنا الحقيقه ومها اعترفت بغلطها واعتذرت لكى على الملاء معلش المسامح كريم وهى غلطت عن دون قصد بس ليه ماحاولتيش تكلميها اولا وتشوفى ردها وانا اعتقد او متأكده انها كانت هتعتذر ليكى وكانت هتعرفنى ان البوست ال مكتوب منقول منك او مش من تأليفها وكنا هنفهم الموضوع بطريقه احسن من كده
    انا دلوقت نفسى فى حاجتين اولا انتى تسامحيها وهى قدمت اعتذار ليكى فى مدونتها وتحاولى تغفرى خطأها الغير مقصود وانا كمان بعتذر لكى عن ماحصل
    ثانيا بالنسبه لمها تنسا ال فات وتبتدى من جديد ومتزعلش من نفسها احنا فهمنا الحكايه خلاص هى غلطت لما مسحت التنبيه بتاع زمان ال فيه تنويه عن اقتباس بعض الاشعار من اى مكان مش فارق بقا مدونه او موقع او جريده
    واخيرا اتمنى تتصالحو انتو الاتنين الصلح خير والدنيا منفاته

    ردحذف
  8. انا قريت ردك على مها
    وأقسملك اني كتبتلها رساله مافيهاش اي شيء غلط سوى اني كنت زعلانه ان مشاعري اتسرقت
    وكلمتين كتبتهم في الشات بوكس بقول ان المدونة دي مسروقه من مدونتي
    فما كان منها الا انها مسحت تعليقي وشالت الشات بوكس من اصله
    وما كتبت ولا كلمة اعتذار وحدة طول امبارح
    ومازالت محتفظة ببوستات ليا من مدونتي وماكتبتش عليها منقول ..
    ده بغض النظر ان كل كلمة في المدونة عندها منقولة من اماكن تانيه وممكن توصلي لده لو حطيتي كوبي من البوستات بتاعتها في محرك البحث وحتشوفي
    عموما انا مش زعلانه منها
    انا بصراحه اللي زعلني طريقتها في الرد اللي اتهمتني فيها اني اسأتلها ويعلم الله اني لم افعل
    وشكرا لحضرتك ولكل الأخوة الكرام
    مهيار الفرح ....

    ردحذف
  9. يا اخت مهيار ارجوكى متزعليش من مها عشان خاطرى انسى ال فات الصلح خير معلش بقا
    وبصراحه انا شيفاكى انتى وهى رائعين وكل واحده فيكم عندها موهبه رائعه وجواها قلب جميل
    بحلفك بالله تتصالحوا وتنسوا ال فات وحياة اغلا ماعندك تسامحى وتتصالحى معاها

    ردحذف
  10. مساالورد فضفضة
    صدقيني انا كل اللي مزعلني لسه اصرارها على الإنكار رغم ردها واعتذارها المزعوم...وكنت سامحت من قلبي لو حسيت انها صادقة والا تفسري بإيه....
    أحتفاظها بالبوست
    موقف تذكرته .. و عشق أحببته
    وهي تعلم أنها نقلاه ..سارقة أحساس وذكرى تخص قلبي أنا والإنسان اللي بحبه...
    بوست
    لم أجـد عنــــــوان إلا ... أحبك
    برضه منسوخ من مدونتي
    بوست
    آآآه يا قلـــــــب
    مسروق من مدونتي
    بوست
    معـــك و بــــك أحـــــيا
    مسروق من مدونتي
    بوست
    عــد حبيــــبي
    مسروق من مدونتي
    وبوست
    و تبقــــى أمنيــــة واحــــدة ....
    مسروق من مدونتي
    ولم تتكرم بالإشارة انها منقولة
    وفي اعتذارها المزعوم اساءت لي بقولها انني قد أسأت لها بالفظ وشتمت على حد قولها شتائم خارجة والفاظ خارجة لم تستطع ان تجرح بها زوار المدونة ويعلم الله انه لم يحصل.. ولو كانت صادقة فلتظهر دليلها أنا عندما كتبت لم أخف ولكنها هي من خاف ولغى التعليقات وعندما علمت انني قمت بنقل مافعلته لزوار المدونة كتبت ماكتبت واكرر يعلم الله اني لم أسيء لها وان الشتائم وغيره ليست من طبعي ابدا وهذا يعلمه عني من تعامل معي ومن لم يفعل..
    فهي هنا لم تعتذر بقدر ما اساءت لي بقولها وكلماتها واظهرت نغفسها الغلبانة المظلومة

    كل ماقلته انها سرقت كلماتي وكتبت في بوكس الشات ان المدونة هذه مسروقة
    وهذا من حقي بعدما اكتشفت انها نسبت كل ماكتبته لنفسها حتى قصيدة نموت وتحيا فلسطين اللتي ادعت انها كتبتها تعاطفا منها مع شعبنا اللذي تكرهه من كل قلبها كما قالت هي
    سيدتي انا لم اسيء لها ويعلم الله
    كل ما طلبته هو حقي في مشاعر تخص قلبي نثرتها على الورق
    والله من وراء القصد
    وشكرا لتفهمك ولقلب طيب اجحسه يحيا فيكِ
    من كل قلبي شكرا لتفهمك

    مهيار الفرح وليس مهيار الحب
    وعلى فكرة انا اسمي فرح

    ردحذف
  11. طيب يافرح احنا تفهمنا الموضوع وبرضوا متزعليش
    معلش
    والمؤمن مفروض يكون متسامح
    انتى ومها اخوات لينا والصلح خير
    ممكن بقا دلوقت تسمحى لى ازورك فى مدونتك الرائعه وتعتبرين اخت وصديقه لكى

    ردحذف
  12. بقايا انسانة23 يوليو 2013 في 12:57 م

    عارفة ياقمر انا في يوم كنت مخنوقة عارفة عملت ايه اتجننت ودخلت تشات وياريتنى ما دخلتة ياريتنى كنت مت ونسيونى الناس اللى بحبهم وبيحبونى عارفة انا للاسف زوجة وعندى اولاد وفى يوم كنت زهقانة دخلت تشات وال اية كنت واعظة دين وذاكرة لله بعدين بقى في فضفضة بعد كدة بقى تعود انى اتكلم معاة يشتكى لى من مراتة وانا اسمع لة واواسية بعد كدة بقيت مش اقدر يفوت يوم من غير ما اتكلم معاة كنت بحب جدا الكلام وياة وبعد كدة قلبى احبة حب عمرى ما حسيتة قبل كدة حتى الكلام وطرقتى فية عمرى ما حسيتها قبل كدة كنت بحس بانوثتى وانا بكلمة من وراء شاشة الكمبيوتر وهو كان عارف انى زوجة وام وعارف ان حدودى معاة هى شاشة الكمبيوتر والكيبورد ولا تتخيلى قد اية قلبى احبة عارفة يمكن لو كان الح عليا انة يشوفنى يمكن كنت ضعفت ووافقت بس الحمد لله عارفة بسئل نفسى لية عملت في نفسى كدة ومش بلاقى غير قلبى بيرد عليا ويقول لى لية انتى مستكترة عليا انى احس الاحساس اللذيذ دة انتى عمرك ما سمحتيلى بية ولما طلبات اللى بحبة كترت يعنى اصبحت شوية جريئة انسحبت وتركتة بس في الواقع تركت معة قلبى الذى لم يعد معى ولكن كل ماتبقى لى هى الدموع التى ادبلت عينى ولم تعد عينى تجف منها ولم يعد قلبى كسابق عهدة معى خلاص مش بقى قلبى ولاروحى بقت روحى يعنى دمرنى حبة لا انا من دمت روحها وقلبها واعمت عينيهامن الدموع والبكاء كلما مر بخاطرى اعلم اننى فعلت بنفسى اسؤ عمل وهو انى حبيت غير زوجى واعلم ان انتقام الله شديد ولكنى احاول الملم ما تبقى من الانسانة اللى بداخلى يمكن اعرف اتعايش مع من يحبونى ولا يدرو ما حدث منى تجاههم واطلب المغفرة من الله سبحانة وتعالى واكون خادة لمن احبونى اولادى وزوجى المسكين عارفة نوع الملامة التى ستنكب من فوق راسى ولكن من فعل شىء علية ان يتحمل نتائجة واخيرا اسفة لنفسى واسفة لمن احبهم اكتر من نفسى بقايا انسانة في 22 يولية 2013

    ردحذف
  13. فضفضة حبيبتى فينك ولية مش فية ليكى جديد وحشتينا ووحشتنا فضفضاتك الجميلة انا قارئة جيدة لكى ولكن في صمت

    ردحذف
  14. علفكرا انا زيك بالضبط والمشكلة انى مش لاقى حد افضفض معاه وهى دى المعاناه _ولكن اذ لقيتوا _ معرفش هتكلم معاه ازاى _لان انا مش بعرف اتكلم خالص و ان حتى اكتر شخصية ممكن اكون حبتها ضاعت من ايدى وبسهولة جدا مع ان هى حبتنى
    ممكمن اكون اول شاب اتكلم هنا
    منتظر الرد

    ردحذف
  15. معلش متقوليش عايزه حد افضفض معاه عندك ربنا احسن من الدنيا دى كلها وتأكدى انه هيسمعك ومش هتحسى بخنقه وهتضحكى على ايام عدت واخذت وقت من حياتك ع الفاضى :)

    ردحذف
  16. لو سمحتوا انا لسا عامله المدونه جديده ومش عارفه هي فيها غلط ولا اي علشان انا بكتب بس مفيش تعليقات عندي ولا حاجه جديده ف المدونه كل ما بفتحها بلاقيها زي ما هي ممكن حد يفيدني

    ردحذف

عبر برحتك