*:•. ♥l الحياة مجرد ورق l *:•. ♥
.. قد تكون هذه المقولة صائبة نوعاً ما ..
.. فلو تمعن الواحد منا في حياته .. في أيامه ..
.. لوجد أنه لا غنى له عن الورق بجميع أنواعه وأشكاله ..
.. فمنذ إختراع الورق .. وهو لا يفارق بني البشر مطلقاً ..
.. يشاركهم أحزانهم .. وأفراحهم .. ويشاركهم نجاحاتهم .. و إخفاقاتهم ..
.. حياة الواحد منا تبدأ بورقة .. شهادة الميلاد ..
.. ومن ثم تتوالى الأوراق .. فشهادة التطعيم ..
.. ومن ثم بداية مرحلة جديدة .. التسجيل في المدرسة ..
.. وأوراق سنوية .. إلى أن تتخرج .. وتصبح لديك .. ورقة .. تسمى شهادة ..
.. نوع آخر من الأوراق .. أوراق مشتركة بينك وبين الآخرين ..
.. فأنت حينها لا تعدو أكثر من كونك ورقة مليئة بالأختام .. ومخرمة من أحد الجوانب ..
.. ملقاة على أحد مكاتب الموظفين الكسلاء .. أستعداداً لدفنك في أحد ملفاته أو توابيته ..
இღ♥.•:*¨`*:•. lوهنا كتابات مما أعجبتني l.•:*¨`*:•. ♥ღஇ
أول يوم أُولد فيهِ.. يُكتبُ اسمي فوقَ الورقةْ
حين أباشر في المدرسةِ.. يُكتبُ اسمي فوقَ الورقةْ
أكتبُ درسي فوقَ الورقةْ
أُهندسُ بيتاً فوقَ الورقةْ
أكتبُ شعراً فوقَ الورقهْ
أُثبتُ لحناً فوقَ الورقهْ
لا أصعدُ طائرةً إلا.. في كفْي تذكرة ورقهْ
لا أركبُ قاطرةً إلا.. أعَرضُ للمسؤولِ الورقهْ
لو أدخل مسرحاً أو مطعَماً أو دكاناً
حتماً أتعاملُ بالورقهْ
تنظيمُ حياةِ البشريهْ.. وحضاراتِ الإنسانيهْ
بدأت بحروفٍ في ورقهْ
فاكتبُ شيئاً ينفعُ بشراً لو كانتْ بيديكَ الورقهْ
كتب الله تعالى كانت.. نور مرسوم في ورقهْ
இღ♥.•:*¨`*:•. l في النهاية .. وفي الختام l.•:*¨`*:•. ♥ღஇ
الدنيـــا يـــا اخــوان ... ورقـــه !!
فتبكينا مره هذه الورقه ** وتفرحنا مره هذه الورقه ..
فهل نستحق نحن أن تلعب بمشاعرنا ورقــه ؟ ^
الدنيا ورقه مكتوبه
اما لنا او علينا
இღ♥.•:*¨`*:•. l في النهاية .. وفي الختام l.•:*¨`*:•. ♥ღஇ
الورقة الوحيدة التي لا يمكنك الإطلاع عليها
.. شهادة وفاتك
بوست حلو خصوصا كلمات الارجوزة أو الشعر المنثور .. بس علي فكرة ممكن أطلع علي وثيقة وفاتي .. بضرب ورقة أي تزويرها طبعا انا مش ناوي ازور خالص بما اني ريس .. بس فيه ناس خبراء في الموضوع ده ..
ردحذفتحياتي لك .. ولكلماتك
أنا
ردحذفأكتب شعرا فوق الورقة
أسعدك الله
اه صح
ردحذفعندك حق فى كل كلمه
حياتنا كلها ورق على الهوا ههههههههه
تبتدى بورقه
وتنتهى بورقه
ولا يمكن الاطلاع على هذه الورقه
تحيه ليكى يافضفوضه
عندك حق
ردحذفالانسان بلا
ورق
ليس له قيمه
فى دنيانا
سبحان الله
و الله كلمات جميلة اوي يا فضفضة و الله بوست مليان معاني جميلة اوي
ردحذففعلا كل حاجة في حياتنا على الورق
و احلى كلمة كانت الاخيرة اللي هي اننا ما نقدرش نطلع على ورقة واحدة و هي شهادة وفاتنا
ماشاء الله عليكي ابدعتي و الله
واحشاني اوي يا فضفضة فينك من زمان
خالص حبي و تقديري
جميل جدا البوست
ردحذفتحياتى
صاحب إحدى الورق
فضفضة
ردحذفحتى فرمانات الطغاة بتتكتب فى ورقة
والقوانين المقيدة للحريات مكتوبه على ورقة
والفتاوى والحكاوى
والشهايد والقصايد
ورقه ...ورقه
بس لما يطلع الكلام فاشوش
بنقول ...كلام جرايد
يعنى الورقة ورانا ورانا
بوست لذيذ
تحياتى
كلامك صح فعلا يا فضفضة
ردحذفوفى اوقات كتير كمان بيكون الورق اهم واغلى من الانسان
تحية ليكى عزيزتى
حلوة اوي فضفتك
ردحذفوعندك حق
تحياتي
اول مرة احس بأهمية الورق الشديدة
ردحذفجميلة اووووووووووووووووووي
ردحذفوخصوصا لو الشعر ده بتاعك
تناولك رائع
تحياتى
فضلًا عن أن العلم مسجل على الورق .. ولولا الأوراق ماوصلت إلينا علوم القدماء وآدابهم وأشعارهم..!
ردحذفخاتمة التدوينة رائعة..نعم فلا أحد يرى شهادة وفاته ..
شكرًا على الفضفضة الجميلة :)
وحياك في ناس بتموت اول لما بتكتب لها شهادة ميلاد...فكرتيني بجد بكمساري الاتوبيس ١٢ كان بحب الورق يعنى التذاكر زي عينيه وكان بيجيله مغص ووشه يقلب الوان لما كان يشوف ابونية الطلبة بتاعنا...وكان كوميدي اووووي وكان عنده حالة عصبية وكان بيقول حرك مرق استخبى في الوررررررق ...الدنيا ورررررررق...تصدقى انى كنت باستمتع الذهاب للكلية عشان كلامه عن الورق التذاكر يعني...ياريت تشيلى تدقيق الكلمات عشان لو جينا تاني
ردحذفmr. president
ردحذفاولا اهلا بيك فى مدونتى
ثانيا بما انك ريس ومش ناوى تعمل كده عايزينك تمسك الناس ال بتعمل كده وتقضى على النصب نهائى
لك التحية والسلام
احمد الصعيدى
ردحذفانت ماشاء الله عندك موهبة الشعر رائعه ربنا يدمها عليك نعمه ويوفقك
لك كل الشكر والتقدير
داليا
ردحذفحياتنا تبتدى بورقه وتنتهى بورقه وياريت حد يتعظ
نورتينى يا غاليه
محمود باحث عن الحب
ردحذفالانسان بلا ورق لا قيمه وخصوصا فى بلدنا ربنا يخلى موظفين الحكومه ويسهل امورهم زى ماهما مسهلين امورنا ويفتح الابواب فى وشهم الجميل
مهمومه
ردحذفانا عايشه الحمدلله موجوده لكن بتجيلى حالة زهق وزهد من كل حاجه حته الكلام مع الناس
يالا الحمدلله على كل حال
البوست ليس من تاليفى ايميل جالى وعجبنى حبيت الناس ال بحبها تقرأه
نورتينى يا صديقتى
ابن الخطاب
ردحذفاحمدالله ان البوست نال اعجباك
ربنا يوفقك
نورتنى واتمنى التواصل
sal
ردحذفكلام فاشوش
ماهو كل ال نفسنا فيه بيطلع فاشوش وال نخاف منه بيطلع حقيقه وربنا يسترها
اسعدنى تعليقك ووجودك اشكرك
ms venus
ردحذفاه غاليه الورق اهم من الانسان وطوز فى الانسان
لكى كل التقدير والحب
haytham
ردحذفاشكرك على زوقك هى فضفضه منقوله حبتها ونقلتها كما هى للفايده
لك كل التحيه
sharm
ردحذفطيب نصيحه بقا اى ورقه خاصه بيك صورها وحطها فى ملف هتنفعك جدااا
نورت يادكتور
مضيف الطيران
ردحذفكنت اتمنى اكون عندى موهبة الشعر ولكن الحمدلله ربنا عوضنى بحاجه بسيطه فى الفن
البوست منقول
لك التحية والسلام
وحدى
ردحذففعلا لولا الورق ماوصل لنا العلم ولا عرفنا تاريخنا وتاريخ الشعوب
اشكرك على تعليقك
لك التحية والسلام
tarkieb
ردحذفجميل الكمسارى ده دمه خفيف واكيد مش هتنساه
نورتنى واهلا بيك فى مدونتى البسيطه
السلام عليكم ورحمه الله وبركاته
ردحذفازيك ياجميل
كلام جميل فعلا الورقه معايا فكل وقت حتي لما بزعل بمسك ورقه واطلع الي جوايا او حتي اشخبط
اطلع الي جوايا فيها وزمان كانت الجوبات ليها طعم مجربتهاش بس اعتقد كده
ربنا يدينا طول العمر مش وقته خالص شهاده الوفاه دي
تسلم ايدك
القمر الباكى
ردحذفطلعى كل ال جواكى بالورقه ولا تجعلى احد يطلع عليها خاصة الاقربون لكى وهتعرف ليه بقولك كده هتكتشفى لوحدك الفايده من ذلك
اه الجوابات ليها طعم بس فين ال يعطينا ذالك الطعم
ربنا يطول عمرك بالخير والبركه يارب
فرحنى وجودك معى
فضفضة ...
ردحذفنسيتى حاجة ممكن ورقة تخليكى متهمة مجرمة وتدخلك السجن وربما تعدمك " لاقدر الله ذلك " وورقة أخرى تبرئك تصورى عشان بنيت دورين الرابع والخامس عشان أجوز إبنى المهندس والعمارات بالشارع من 7 إلى إتناشر دور ومع هذا صدر من حى بولاق المرتشين ( أخذوا منى 6 آلاف جنيه عشان يسيبونى أبنى بعد ماجابو عربية نص نقل بها عشر صعايدة بالفئوس والكواريك والعتلات والمرزبات يالدفع يالهدم ودفعت ومع هذا تحول منهم محضر للمحكمة بالمخالفة والعجيب إنك تبنى بيتك بفلوسك وتدفعيلهم رشوة ويصدروا حكم بالحبس سنة والغرامة عشان بنيتى بدون ترخيص ( عندى ترخيص سابق للتالت فقط) وموش حايدوكى الترخيص لو وقفتى على إيديكى ولو دفعتى رشوة يقولولك روحى إبنى ومايهمكيش بعدين تبنى يعملولك محضر عشان يبقوا حرامية ومرتشين ولكن بينفذوا القانون اللى أتحط مخصوص عشان يرتشوا ويخالفوه وإلا قوليلى 90 من البناء فى مصر مخالف وده كلام مهندس كبير بالحى دى بلد عايزة ولد.
فاروق ابن النيل
ردحذفللاسف هى دى مصر فيها ناس مشوهين صورتها حراميه ومرتشين ونصابين وظالمين ومفتريين (حسبى الله ونعم الوكيل)
معلش ربنا يعينك ويصبرك على الناس دى ويكفيك شرهم واذيتهم يارب
نورتنى والله
رائعة في تعابير جدارائعة تعبر بان هذة الورقة لاتستحق البكاء لها اخت عبرة من هل الفضفضة
ردحذف