الصفحات

الجمعة، 11 يونيو 2010

افندينا أنعم علينا بعلاوة

افندينا أنعم علينا بعلاوة          



تجيب كيلو جبنة وعلبة حلاوة


آتاري العلاوة مجرد أتاوة


و احنا علينا الكلام اختلط


*****


عشان في البداية حسبناها خير


و قلنا نواية حتسند يا زير


و حسنة حتمنع بلاوي كتير


و كنا حقيقي في غاية العبط


*****


في لحظة افتكرنا ان لينا حقوق


و نمنا و صحينا لقينا الخازوق


و قبل اما ! حتى يا عالم نفوق


لقينا اللي لسه حناخده اتشفط


*****


أفندينا يعني في لحظة تجلي


تعطف تلطف و قرر يخللي


مساحة الغلابة تزيد ستة مللي


و ياكلو بدال التراب الزلط


*****


أفندينا أعلن صدور القرار


و قبل اما ينجح في أي اختبار


فوجئنا بزفة و مولد و زار


قصايد.. جرايد.. برامج.. يفط


*****


تؤكد بأن الحكومة.... بذكاء


و من حزمة واحدة قضت ع الغلاء


و لابد يبقى لدينا... انتماء


و ناكل و نشرب و نلبس خطط


*****


عبال النمو اللي قالوا عليه


و حايشينه عنا مانعرفش ليه


ماتلمح مكانه في مراية عينيه


و نقدر ندوق منه... حتى نقط


*****


مادام كل حاجة تمام ع الورق


مفيش أي داعي عشان ال! قلق


و لو مش مصدق خلاص اتفلق


ورقـنا اللي صح وكلامك غلط


*****


قاللي مواطن عليم بالخبايا


أفندينا قرر تزيد الجباية


عشان شعبه جاحد قليل الرباية


بياكل و ينكر زي القطط!


*****


اذا الشعب صدى بفعل البارومة


حاتعمل حسابه ف ايه الحكومة


وهي اللي جاهزة بكرباج وشومة


عشان لوفي واحد في عقله اتخبط


*****


تعيش مصر دايما في عز و جمال


يعيش المواطن شـديد الاحتمال


و آمن تماما من الاشــــتعال


و أقصى ما عنده.... ينكت فقط

هناك 12 تعليقًا:

  1. على باب مصر ، تدق الأكف ، ويعلو الضجيج

    جبال تدور ، رياح تثور ، بحار تهيج

    وتصغى ! وتصغى ! !

    فتسمع بين الضجيج سؤالا وأى سؤال !! وتسمع

    همهمة كالجواب ، وتسمع هممةً كالسؤال !!

    أين ؟ ومن ؟

    وكيف إذن ؟

    نعم . . كيف أصبح هذا الجلال

    بأقصى مداه ! ؟

    . . حقيقة شعب ٍ

    غزاه الطغاة ، وأى طغاه؟ !

    . . امعجزة مالها أنبياء ؟ !

    . . أدورة أرض بغير فضاء ؟ !
    ------------------------------

    وجاء الغزاة

    . . جميع الغزاه

    فأبدوا خشوعًا

    وأحنوا الجباه

    وكل تساءل فى دهشة ٍ

    . . وكل تساءل فى لهفة :

    أمعجزة مالهــــا أنبياء ؟ !

    أدورة أرض ٍ بغير فضاء ؟ !

    تلمح بين الجموع وجوهًا

    يرف عليها حنـــان الإله

    . . ففيها المفكر والعبقرى

    وفيها التقاة ؛ وفيها الهداه

    ..ف(موسى ) تشق عصاه الزحام

    وذلك (عيسى ) عليه السلام

    وهذا ( محمد) خير الأنام

    أمعجزة مالهــ أنبياء ؟ !

    أدورة أرض ٍ بغير فضاء ؟ !
    --------------------------


    انا الشعب ، شعب ذرى والقمم

    زرعت النخيل ، صنعت الهرم

    ****

    رفعت المآذن فوق القباب

    بنيت المداخن تعل السحاب

    ****

    أنا الشعب لا أعرف المستحيلا

    ولا أرتضى بـالخلود بـديلا

    بلادى مفتــوحة كالسماء

    تضم الصديق ؛ وتمحو الدخيلا

    انا الشعب ، شعب العلا والنضال

    أحب السلام ، أخوض القتال

    ومنى الحقيقة .. منى الخيال !!
    وعندى الجمال ............

    ------------------------------------------
    انا اسف ان التعليق طويل
    بس احنا لو عندنا ارادة كنا هزينا الجبال وتحياتي لك

    ردحذف
  2. نجم ده عبقرى وكلامه دايما فى الجون وصح جدااااااااااا

    ردحذف
  3. فضفضة

    تعيش مصر دايما في عز و جمال


    يعيش المواطن شـديد الاحتمال


    و آمن تماما من الاشــــتعال


    و أقصى ما عنده.... ينكت فقط


    اعجبنى تعليق السيد الرئيس

    ****************
    احنا لو عندنا ارادة كنا هزينا الجبال



    بوست جميل
    تحياتى

    ردحذف
  4. ههههههههههههههههه
    جميله جدا
    جدا
    معلش انا اتتخنقت من السياسه
    بالفعل
    حسبنا الله
    ونعم الوكيل

    ردحذف
  5. الله يهد افندينا


    تحياتي للاختيار

    ردحذف
  6. mr president
    الله عليك تعليقك رائع,و عندك حق لو عندنا اراده لو بقا

    ردحذف
  7. عاشقة الرومنسيه
    مظبوط احمد نجم عبقرى وكلامه صح وحاسس بالشعب وبيعبر عن كل شخص فى مصر وشجاع جداااااااااا
    انا بحترمه جداا
    تحية لكى

    ردحذف
  8. sal
    (احنا لو عندنا ارادة كنا هزينا الجبال )


    (فعلا تعليق الريس كويس جدا واقل شىء يعمله الشعب ينكت من ال فيه
    تعليقك ايضا عجبنى
    تحية طيبة لك

    ردحذف
  9. محمود
    مليون حسبى الله ونعم الوكيل
    تحية طيبه لك

    ردحذف
  10. هيثم
    ربنا يهديه يارب
    تحية طيبة لك

    ردحذف
  11. أحد شعرائي المفضلين


    يارك الله لك

    ردحذف
  12. احمد الصعيد
    سعدت بوجودك

    ردحذف

عبر برحتك